Powèm yon fanm damou - Tèks 1

Komsi m ta pral glise, komsi m ta pral sove

Ou touche m e m tande men w sipliye m rete

Pou m pale avè w oswa pou m fè silans

Pou m tande vwa kè w, pou m fè l konfyans

Men po kòm pat bezwen lapriyè w pou l te ret kole sou po w

M pat bezwen pèmisyon w aswè a pou m te bo w

Sant kò w te deja pase m lòd pou m rete la

Avè w, toupre w

E menmsi latè te miwomiba

Se chalè sa m tap toujou dwe w

Paske men m pa vle lòt direksyon

Paske bouch mwen pa vle tande rezon

Paske…

la,

kounya,

apre sa

anyen lòt pa konte !

Shell Pomme