M rayi silans ou

M rayi silans ou

Paske se siyal detrès mwen

M konnen sa paradoksal

E m pa renmen paradòks sa

Men vwa w pi atiran pase lasirèn

Tandiske silans ou se sirèn

Anbilans k ap vin pote m sekou

Pou yon santiman ki banm kle kou

Ou pral di m jis anvi fè vè

Men bagay serye, m santi m lanvè

Afòs m tann, m tann

Yon santiman klete m sanzatann

Lè w pela, m anvi di w pale

Lè w te la, m te dwe di w pa ale...

M rayi silans ou

Paske se kri detrès mwen

Silans ou se yon sekous

Yon tranblemanntè

E m se yon vye kay fisire ki pral tonbe atè...

 

Jean-Elie François